انواع الزوجات .... تحشيش خرافي

اذهب الى الأسفل

هام انواع الزوجات .... تحشيش خرافي

مُساهمة من طرف الـضــاحــــ13ـــيــه في الثلاثاء نوفمبر 20, 2007 10:07 am

شششششششلونكم شباب
اليوم راح نحشش على الزوجات وحسب انواعهن
تعالو شوفو وقررو المن راح تتزوجون
الزوجة الغنية
راح اتشوف الويل خاصة اذا جانت امورك ها كوة جايب الراس عل الراس
راح تنعل والد والديك حشا القارئ ... اول اجتماع لهامع اصدقاءها ..
استلم....... اني سويته ..اني جبت .. اني اشتريت ... اني حطيت ...
بفلوسي ..وطلباتها اريد مثل ماجان
( ببا) ايجيبلي ( ومما )
تشتريلي
اووين جنت اوين صرت.. اوي . شنو هاي العيشة ؟؟؟ لالا لاح اموت
مدااتحمل اني بنت دلال اني بنت خير ... وعلى عالرنه اطحينج ناعم
............ ......... ......... ......... .
الزوجة المتعلمة ( هاي اجيوكيشن)
هم راح تطيح حظك وهم ( محشومين )وخاصة اذا تعليمك اقل منه
بعد اطين ...راح تبزع اهلك ..
تستلمهم .. اوه . سوفاج . والرايت . سلبرايز .
اوكي . باي . هاي . بون وي . سافا .
ومن هالسوالف الفايخة الا ان تكفرهم لأهلك ونوب تندار عليك مو مستواي تعليمي وين هوة وين اني؟؟
اوي متخلف . رجعي . باد . فري باد وتسوي عيشتك سودة ومفشلتك وين ماتروح ... اذا عرس... ممكن اسمع مونا مور ؟؟
ممكن نرقص فالس . او سامبا . ممكن زوربا اليوناني ... ولج يا مونا مور ياطركاعه الزلم ذابة لحم هوسات ودبج والطلقات للستار..
............ ......... ......... ......... .
الزوجة الجميلة ( صاكة )( حاتة معدلة )
وخاصة اذا كانت اوصافك مثل ابو ؟؟؟؟ .... الله يساعدك
جمالي . اناقتي . البس . بدل . عدل . زين . حط ريحة . مكياجي . ستايلي. برستيجي .
اتكيتي . العين عليه . واحد صوفرلي . هذا ديباوع علي..
وانته يومية وبكل طلعة مبسوط
من غير الردود الجميلة الك( اتغار مني_ الف واحد يتمنوني _ شجاني واخذتك_ اتقشمرت بيك _)
............ ......... ......... ......... .
الزوجةالغير متعلمة ( صكمن بكمن )
اياك وقراء اي ورقه بصوت خافت ... ها هاي رساله من صاحبتك... اطيني موباليك اشوفه لاختي اخاف بي اسم ابنيه
ويا ويلك اذا جانت تحب افلام اجنبية تعال اقرالي الترجمة ..واذا انت زلمة كول لا... ابو ابوك ينسمط
وياويلك اذا حجيت كلمه انكليزي كدامهه تنعل ابو اليوم الصرت بي ... ها حجيت على.. اي تعيرني جي مااعرف اقرة واكتب ..
وجم يوم وتكب عليك الكابه ...تعال علمني قراية وكتابه وتعال طلع هيج احمار من هيج وحلة ههههه
............ ......... ......... ......... .
الزوجه الجكمه ( نايب عريف )
اي اهنا تسكن العبرات وتنزل النفرات
اياك واياك من ...
التمشيط
الوقوف امام المراة
وضع العطر
الملابس الجديدة
غسل الاسنان
السفرات والزيارات الفرديه
التأخر في العمل
المبيت خارج البيت
حفلات الزفاف
لان هذا تعتبرة جاي ادور علي نسوان
واذا انت زلمة طلع نفسك من هالورطة
............ ......... ......... ......... .
الزوجة الصغيرة بالعمر
( بنبونه)
اهنا عاد طبق الدارمي
اصبر لامر دنياك يمعذبك اهواك
وحطلك بعد كلبين فوك الكلب ذاك
استلم .... اشفت من حياتي ؟؟
فتحت عيني عليك
مافرحت بعمري
مافرحتني
بعدني ازغيرة مابية مااعرف علمني
ما أكدر الشغل البيت
ماشايفة دنيا ليش تحرمني
واحتمال توصل الى مرحلة اتكلك عمو
وجنت خالي ومستريح وحطيت لي ديج اليصيح
شوفو وقررو وانطوني خبر برد صغيروني
تقبلو تحياتي

الـضــاحــــ13ـــيــه
عضو برونزي
عضو برونزي

ذكر عدد الرسائل : 38
العمر : 33
العمل : طالب بكلوريوس
تاريخ التسجيل : 19/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى