ابوذيات الحب والحنان انشاء الله اتنال رضاكم

اذهب الى الأسفل

طق طق ابوذيات الحب والحنان انشاء الله اتنال رضاكم

مُساهمة من طرف ammar في الأحد فبراير 03, 2008 3:43 pm

ابوذيات الحب والحنان انشاء الله اتنال رضاكم



تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه


تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه


همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية


بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه


وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه


عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه


تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.


وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه



الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه


احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
__________________

_________________

ammar
المدير العام
المدير العام

ذكر عدد الرسائل : 123
العمر : 35
تاريخ التسجيل : 18/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

طق طق رد: ابوذيات الحب والحنان انشاء الله اتنال رضاكم

مُساهمة من طرف دلوعه ومغروره في الأحد فبراير 17, 2008 5:59 am

الله الله شنو هل كلام وعجبني كلش كلش
عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه



مشكوور الغالي
avatar
دلوعه ومغروره
عضو ماسي
عضو ماسي

عدد الرسائل : 127
تاريخ التسجيل : 31/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

طق طق رد: ابوذيات الحب والحنان انشاء الله اتنال رضاكم

مُساهمة من طرف الامبراطوره في الإثنين فبراير 25, 2008 6:49 am

ســـــــيـــــدي زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه


فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه........... ودكلك.....
الك ما نبض كلبي ودكلك
واطحن بالحجي ناعم وادكلك
بيوم السافرت كمت ابجي ودكلك
جيتك بنص الليل يم بابك ودكلك
دكلي شوكت اتحن عليه
سيدي تقبل خربشتي بين ثنايا حرفك لك مني كل ورودي وودي دمت لنا كان هنا طيفي ورحل
avatar
الامبراطوره
عضو ماسي
عضو ماسي

انثى عدد الرسائل : 265
العمر : 33
العمل : طالبة حقوق
الهوايه : كتابة اشعار
تاريخ التسجيل : 19/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

طق طق رد: ابوذيات الحب والحنان انشاء الله اتنال رضاكم

مُساهمة من طرف عسوله العسليه في الإثنين فبراير 25, 2008 8:29 am

نايــــــــــــــس كلامات ياربي بل توفيق الدائم او بل تئلق تقبل مروري
avatar
عسوله العسليه
عضو ماسي
عضو ماسي

انثى عدد الرسائل : 631
العمر : 32
العمل : طالبة قانون اوسياسه
الهوايه : النقاش العام
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى