ابوذيات ودارمات انشالله تعجبكم

من طرف قناص الشعب الأربعاء نوفمبر 28, 2007 11:34 am

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه

صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه

[b]كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه

دارميات

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

[b]سبحانه من سـواك نص وجهك إعيــون
إزغيــر سبيــت الناس من تكبر شلون

[b]لاتهتم على الراح وي همك الراح
والعالي مو بالطول بالصبر ينلاح

اشمالك يبعد الروح لونك تغــير
عندي خوات أهواي طب أوتخير

[b]يسألني البطران حالك إشلونــه
الغاضب الله إعليه هم ينشدوونـه

تحياتي.قناص الشعب

شباب انريد ردود حتى انزل مواضيع جديده[/b][/b][/b][/b]