شغلات تحشيشيه موطبيعيه بس اريد ردود

من طرف قناص الشعب السبت نوفمبر 24, 2007 11:01 am

امحشش وكف يمه سوداني بالصلاة..الشيخ كال استووا وستقيمو.المحشش كال اني استويت بساليمي احترك

الحر .. الحر موعدنة
البك .. البك كرصنة
و الطيارات اتكركعنة

بيهه شي لا مابيهه
عيني بيهه شي لا ما بيهه

الحكومة دتتناقش
عل الكرسي يومية مكافش
و الشعب ملتهي بالتفجير

بيهه شي لا مابيهه
عيني بيهه شي لا ما بيهه

بالعراق الموت الوان
مفخخة و عبوة و هاون
و الامن شبه ماكو

بيهه شي لا مابيهه
عيني بيهه شي لا ما بيهه

الكهرباء ساعة باليوم
و الظلمة عاميتنة كل يوم
و الخط طفرانة الجوزة

بيهه شي لا مابيهه
عيني بيهه شي لا ما بيهه

و الشوارع مسدودة كلهه
و الشرطة مهزومة كلهه
و الارهابي يتمشة لوحدة

بيهه شي لا مابيهه
عيني بيهه شي لا ما بيهه

إياكم والإسراف في ثلاث ( الغاز والكاز والكهرباء ) ............... رواه مسلم ميت من البرد انشالله يعجبكم jocolor