دارميات لعيوووون احلى اعضاء

بالطيف اجاني امس كمت وكلت هل هل
فـزيـت راح الحـلـم دم ناظـري هل هل
حألـف وانـشــد هـلـي بعدك انه هل هل
حبيت لو عاشرت لو انه شفت راحات
ومو راحه وسط الكلب وسط الكلب راحات
مـيـت اخــو شـامتي لـمـن ســمـع راحت
كام عله احيله ووكف بنص العزه هلهل
-----
شيبني ضيم الوكت وانه العد بيه شلب
والكلب كبل الشعر ضك الهموم وشاب
انه الكضيت العمر شمعه بدربهم شاب
لمن طفيت انكروا حبي وصقو شمات
بدموعي اسكي اشذبل منهم عدل وشامات
ظـنيـه يـطـلع ورد وربـح ولو شامات
ثاري الخابط يضل خابط ما ينفع شب
-----
يا كـلبي جـم دوب مـنـهـم اضـل سـاحـلـك
وبخُلكي تلعب لعب واضن صفه ساحة الك
وهالجفن ويه السـهـر دم ودمـع سـاح الـك
واطعني بيدك طعن لا اتظن اكولـن هوه
وحـمـل دلـيـلي ذنب جـيـه لـنه حب هوه
جـيتـك سـفـيـنـه ابحر تعبني روج وهوه
ولمن وصلت الجرف نار انكلب ساحلك
------
انـه ادري ياهــو الـذي سـم بـكلامـك داس
بس انه عندي كلب حافي اعله جمرك داس
مضحي بخساره عمر بس منك اربح داس
وخلصت عمري صبـر وياك انـه عـلـيـت
وتدري بصدودك على هذا الكـلـب عـليت
بحلامي اساسك قوي وفوكاه قصر عليت
بس للاسف باصحو طابوكه وحده داس